၂၀၁၃ ခုနှစ် ဒီဇင်ဘာလအတွင်း
ကျင်းပပြုလုပ်မည့် ဆီးဂိမ်းပြိုင်ပွဲ များတွင် Red Link ကုမ္ပဏီနှင့်
ရွှေသံလွင် ကုမ္ပဏီတို့ WiFi Free လွှင့်ခွင့်
တရားဝင် ရရှိထားကြောင်း သတင်း ရရှိသည်။
"ဆီးဂိမ်း ပြိုင်ပွဲမှာ အင်တာနက် အသုံးပြုခွင့်ကို ကျွန်တော်တို့ အခမဲ့
လှူပေးတာလည်း ဖြစ်ပါတယ်။ အဲဒီအတွက် ကျွန်တော်တို့ အနေနဲ့ ကြော်ငြာ ခွင့်
တွေလည်း ရရှိမှာ ဖြစ်ပါတယ်" ဟု Red Link ကုမ္ပဏီမှ တာဝန်ရှိသူ တစ်ဦးက
ပြောကြားခဲ့သည်။
ယင်းသို့ WiFi ထုတ်လွှင့် ပေးရာတွင်
အားကစားကွင်း တည်ရှိရာနေရာ မီဒီယာ စင်တာများတွင် အသုံးပြုနိုင်ရန် အတွက်
ဆောင်ရွက် ပေးသွားမည် ဖြစ်ပြီး အခမဲ့ လွှင့်ပေးမည့် နေရာများမှာ ရန်ကုန်၊
မန္တလေး၊ နေပြည် တော်နှင့် ငွေဆောင် အစရှိသော နေရာများတွင် အင်တာနက်
အသုံးပြုနိုင်ရန် စီစဉ်ဆောင်ရွက် ပေးသွားမည် ဖြစ်ကြောင်း သိရသည်။ ထိုသို့
အင်တာနက် အခမဲ့ အသုံးပြုနိုင် ရန် ဆောင်ရွက် ပေးရာ၌လည်း လက်ရှိ မြန်မာ
တစ်နိုင်ငံလုံး အတိုင်းအတာဖြင့် အသုံးပြုလျက် ရှိသော အင်တာနက် မြန်နှုန်း
14G ထက် ထပ်မံပြီး 10G အကျော် အထိ ထပ်မံ လိုအပ်လာဖွယ် ရှိသည်ဟု သိရသည်။
"ဆီးဂိမ်းမှာ အင်တာနက် မြန်နှုန်းကို အကောင်း မွန်ဆုံး ဖြစ်အောင်တော့
ဆွေးနွေး ညှိနှိုင်း သွားမှာပါ။ အခုလို ဆောင်ရွက် ပေးတာဟာ လည်း ပြည် တွင်း၊
ပြည်ပ ပြည်သူတွေ အားလုံး အတွက် အဆင်ပြေအောင် ဆောင်ရွက်ပေး တာလည်း
ဖြစ်ပါတယ်" ဟု ၎င်းက ထပ်မံ ပြောကြား လိုက်သည်။
ဆီးဂိမ်း ပြိုင်ပွဲတွင်လည်း အဝင် အင်တာနက်
ပိုင်းသာမက မိုဘိုင်းဖုန်း များကိုပါ ပြည်ပနိုင်ငံ အသီးသီးသို့ အလွယ် တကူ
ဆက်သွယ် ပြောဆိုနိုင်ရန် အတွက် မြန်မာ့ ဆက်သွယ်ရေး လုပ်ငန်းမှ ဆောင်
ရွက်လျက် ရှိသည်ဟု သိရသည်။ လက်ရှိတွင် မြန်မာနိုင်ငံ အနေဖြင့်
ဆီးဂိမ်းပြိုင်ပွဲ၌ ကဏ္ဍ စုံလင်စွာ ယှဉ်ပြိုင်မည် ဖြစ်သောကြောင့်
လေ့ကျင့်မှုများ ပြုလုပ်လျက် ရှိကြောင်း သိရသည်။
"အင်တာနက် ကွန်နက်ရှင်ကို
ဆက်သွယ်ရေး လုပ်ငန်း အနေနဲ့ နိုင်ငံတကာ နည်းတူ လုပ်ပေးသင့်တဲ့ အချိန်
ရောက်ရှိ နေပါပြီ။ လက်ရှိ အနေ အထားမှာ မြန်မာနိုင်ငံရဲ့ စိတ်ဝင်စားမှုကို
အများဆုံး ရှိနေ တဲ့ နိုင်ငံတစ်ခု ဖြစ်တာကြောင့်လည်း ဒီကွန်နက်
ရှင်ပိုင်းဟာ များစွာ အရေးပါ ပါတယ်။ ဆီးဂိမ်း ပြိုင်ပွဲမှာတင် မကပါဘူး။
အမြဲတမ်း ကောင်းမွန်အောင် ပြုလုပ် ပေးသင့်တယ်" ဟု ပြည်တွင်း နည်း ပညာ
စီးပွားရေး လုပ်ငန်းရှင် တစ်ဦးက အကြံပြု ပြောကြားခဲ့သည်။
From : ရှိန်းဝင်းထိုက် (Yatanarpon) ပြန်လည်ကာ တင်ပြသည် လေးစားလျက် (လမင်း)
No comments:
Post a Comment