ဒီလို ဘလော့ဂါတစ်စုရှိတယ်
တစ်ခါတလေ ငြင်းကြ၊ ခုန်ကြမယ်
တစ်ခါတလေ စကားများကြမယ်
ဒါပေမယ့် ငြိုးမယ်မဖွဲ့ဘူး၊ အမုန်းမပွားကြဘူး။
ဒီလို ဘလော့ဂါတစ်စုရှိတယ်
သူ့စာကို ကိုယ်ဖတ်ချင်မှဖတ်မယ်
ကိုယ့်စာကို သူကြိုက်ချင်မှကြိုက်မယ်
ဒါပေမယ့် နောက်ကွယ်မှာ အတင်းမပြောဘူး၊ အပုပ်မချဘူး။
ဒီလို ဘလော့ဂါတစ်စုရှိတယ်
လူချင်း အမြဲတွေ့ချင်မှ တွေ့ကြမယ်
လူတွေရဲ့အကြည့်မှာ မရင်းနှီးတဲ့သူစိမ်းတွေဖြစ်ချင်ဖြစ်နေမယ်
ဒါပေမယ့် လိုအပ်တဲ့အချိန် ဝန်းရံကြတယ်၊ ကုသိုလ်ပြုကြတယ်။
ဒီလို ဘလော့ဂါတစ်စုရှိတယ်
အသက်အရွယ် မခွဲခြား၊ အသိပညာ မပိုင်းခြားဘဲ
အတွေးတွေဖလှယ် အတွေ့ကြုံတွေဝေမျှ
ကိုယ်တတ်စွမ်းတဲ့အားနဲ့ လောကကြီးကို အလှခြယ်ကြတယ်။
ဒီလို ဘလော့ဂါတစ်စုရှိတယ်
တစ်ယောက်နဲ့တစ်ယောက် မမြင်ဖူးခဲ့ကြလည်း
"ဘလော့ဂါ"ဆိုတဲ့ဂုဏ်ပုဒ်ကို ကျေနပ်နပ်ခံယူပြီး
ရှေ့ဆက် လက်တွေတွဲလို့
အများအကျိုးအတွက် တတ်စွမ်းသလောက်ပေးဝေကြတယ်။
(ဖေ့စဘွတ်ပေါ်က AAB(All about Bloggers)အဖွဲ့မှ ဘလော့ဂါသူငယ်ချင်းများ၊
မြန်မာပြည်က MBSအဖွဲ့မှ ဘလော့ဂါသူငယ်ချင်းများနဲ့ ကမ္ဘာ့အရပ်ရပ်က
မြန်မာဘလော့ဂါသူငယ်ချင်းများသို့... သြဂုတ် ၃၁ ဘလော့ဒေး အမှတ်တရ....."ဒီလို
ဘလော့ဂါတစ်စုရှိတယ်")
No comments:
Post a Comment