အဲဒီလို မှောင်နေအောင် မူးတဲ့ညကပေါ့
ငါ့ခွက်ထဲကို ဘယ်သူရေရောခဲ့သလဲ
အဲဒီလို ကိုယ့်ရိပ်နဲ့ကိုယ် ပျောက်ဆုံးနေတုန်း
ခွက်ထဲက အလွမ်းဟာ တဖြည်းဖြည်းနဲ့
အရောင်တွေရင့်လာ
အဲ့ဒီလို မှောင်နေအောင် မူးတဲ့ညကပေါ့
ညီမလေးရဲ့ အမုန်းတွေကို မျက်နှာလွှဲဖို့ကြိုးစားရင်း
တိမ်တွေဟာ ငါ့ခေါင်းပေါ်ကို ရွေ့လာ
အကြောင်းအရာကလည်း ဒီနေမှာ ကုန်ခမ်းသွားလို့
အောက်ပါစာကြောင်းများသည် အချစ်နဲ့မသက်ဆိုင်ပါ
ကျောခိုင်းလျက်သား ဝေးကွာခြင်းက
ဘယ်တော့မှ မဆုံနိုင်သောကမ္ဘာ
ငါ့စိတ်က အိပ်မက်ကို လိုက်ဖမ်းနေတုန်း
အိပ်မက်ဟာ ခြေရာအထပ်ထပ်နဲ့ ညစ်ပေလို့
ငါလည်း အဲဒီညက မှောင်နေအောင် မူးခဲ့တယ်.. ။
Nl (ခ) လမင်း
No comments:
Post a Comment