ဆင်ဆာ ဖြတ်တောက်မှု မြန်မာနိုင်ငံ နံပါတ် ၇ နေရာမှာရှိနေ
စာနယ်ဇင်း လွတ်လပ်မှု အဆိုးဝါးဆုံးထိပ်ပိုင်း ၁၀ နိုင်ငံစာရင်း ထဲမှာ မြန်မာနိုင်ငံဟာ နံပါတ် ၇ နေရာမှာ ရှိနေကြောင်း အမေရိကန်နိုင်ငံ နယူးရောက်မြို့ အခြေစိုက် CPJ စာနယ်ဇင်း သမားများ ကာကွယ်ရေး ကော်မီတီက ထုတ်ပြန်တဲ့အစီရင်ခံစာ က ဖေါ်ပြလိုက် ပါတယ်။သတင်းမီဒီယာ နဲ့ စာနယ်ဇင်း လွတ်လပ်မှု အနည်းဆုံး လေး နိုင်ငံကတော့ Eriteria (အီရစ်တြီးယား)၊ မြောက်ကိုရီးယား၊ ဆီးရီးယား နဲ့ အီရန်နိုင်ငံတို့ ဖြစ်ပါတယ်။
မြန်မာနိုင်ငံဟာ အရင်တုန်းက CPJ အဖွဲ့က ထုတ်ပြန်တဲ့ စာရင်းမှာ နံပါတ် ၂ နေရာမှာ ရှိနေခဲ့ရာက အခုဆိုရင် နံပါတ် ၇ နေရာ မှာ ရောက်နေပြီဖြစ်တဲ့ အတွက် ပြည်ပ အခြေစိုက် မြန်မာသတင်း စာမျက်နှာတွေ မှာ ဖျက်တောက် မှုများ လျော့နည်းလာတယ်လို့ ဆိုပါတယ်။
ပြီးခဲ့တဲ့ နှစ်က ဘီဘီစီ မြန်မာပိုင်း Facebook မှာ အများပြည်သူတို့ comment ပေးလို့ မရအောင် ပိတ်ပစ်ခဲ့တာတွေ ရှိခဲ့ပြီး Eleven ဂျာနယ် အင်တာနက် စာမျက်နှာ မှာလည်း comment များကို ပြန်ဖျက်တာတွေ ဒီနေ့ ထိ တွေ့နေရတုန်းလို့ သိရပါတယ်။
DVB မှာလည်း လွတ်လပ်စွာ ရေးသားခွင့်ကို ပိတ်ပင်ထားပြီး comment များကို ဆင်ဆာဖြတ်ပြီးမှ ဖော်ပြလေ့ရှိပြီး RFA မှာတော့ comment များကို စဉ်းစားပြီး သင့်လျှော်တယ်ထင်မှ ဖော်ပြမည်ဖြစ်ကြောင်းကို အောက်ပါ အတိုင်း ရေးထားပါတယ်။
ဧရာဝတီ စာမျက်နှာရဲ့ http://burma.irrawaddy.org/comment.php မှာလည်း ပြည်သူတို့၏ လွတ်လပ်စွာ ရေးသားချက်များကို ပြင်ဆင်ပြီးမှ ဖော်ပြမည်ဖြစ်ကြောင်းကို အောက်ပါအတိုင်း ရေးသားထားပါတယ်။
ပြည်ပအခြေစိုက် အစိုးရအတိုက်အခံ မြန်မာသတင်းစာမျက်နှာများဟာ ဒီမိုကရေစီအကြောင်း၊ လွှတ်လပ်စွာ ထုတ်ဖော်ရေးသားခွင့်အကြောင်းနဲ့ ဆင်ဆာဖြတ်တောက်ခြင်းကို ပြင်းပြင်ထန်ထန် ဝေဖန် ကြသူများ ဖြစ်ပြီး ၎င်း တို့ကိုယ်တိုင်လည်း ဆင်ဆာဖြတ်တောက် ပြင်ဆင်ခြင်းကို ပြင်းပြင်းထန်ထန်လုပ်နေကြောင်း သိရပါတယ်။
No comments:
Post a Comment