မျက်နှာအလှ ပြင်ဆင်ရာမှာ ပုံမှန်ထက် ပိုပြီး တောက်ပတဲ့ ပြင်ဆင်မှု ဖြစ်စေဖို့အတွက် အရောင်တူရောစပ်မှုတွေကို ပြုလုပ်ရမှာပါ။ အနီရောင်နဲ့ လိမ္မော်ရောင်ကတော့ မျက်နှာကို ပိုပြီးတောက်ပနေစေတဲ့ အရောင်မျိုးဖြစ်ပြီး နှုတ်ခမ်းကို ထပ်မံဖြည့်စွက်ပြီး ဆိုးပေးလို့ရတဲ့ အရောင်မျိုးတွေပဲ ဖြစ်ပါတယ်။ သင့် အသားအရေအရောင်ပေါ်မူတည်ပြီး အရောင်ရွေးချယ်ရမယ်ဆိုပေမယ့် အရောင်ရောစပ်မှုကြောင့်လည်း သင့်မျက်နှာကို ပိုပြီးတောက်ပကာ လှပနေစေမှာပါ။
အနီနဲ့လိမ္မော်ရောင် ရောစပ်မှု
အနီရောင်နှုတ်ခမ်းနီကို အရင်ဆုံး ဆိုးပြီးမှ လိမ္မော်ရောင်သန်းတဲ့ နှုတ်ခမ်းဆိုးဆေးအဆီကို အနားသတ်ဆိုးပေးတာကြောင့် သင့်နှုတ်ခမ်းသားအရောင်ကို ပိုမိုတောက်ပနေအောင် ပံ့ပိုးပေးရာ ရောက်ပါတယ်။ မျက်လုံးတစ်ဝိုက်ကို ခြယ်သမယ်ဆိုရင်လည်း အနီရောင် အရင်ဆိုးပြီးမှ လိမ္မော်ရောင်နဲ့ လိုက်ညှိပေးပါ။
ခရမ်းရောင်ကို ပိုမိုတောက်ပအောင်
ခရမ်းရောင်လို၊ သစ်ခွရောင်လို အရောင်မျိုးတွေကို ရွေးချယ်မယ်ဆိုရင် ပထမဆုံး ပုလဲပါတဲ့ ခရမ်းရောင်မျိုးကို မျက်ခွံအနှံ့ခြယ်သပြီးမှ ပုလဲမပါတဲ့ ခရမ်းရောင်ကို မျက်ခွံတစ်ဝိုက်နေရာအတွက် သုံးပေးပါ။ မျက်ခမ်းစပ်တစ်လျှောက်ကိုတော့ အနက်ရောင်ခဲတံနဲ့ ဆွဲပေးတာက ပိုပြီးတောက်ပတဲ့အသွင်ကို ရစေပါတယ်။
အဝါရောင်ရွေးချယ်မှု
အဝါရောင်လို၊ စိမ်းဝါရောင်လို အရောင်တွေက တောက်ပနေပေမဲ့ အေးမြမှုအသွင်ကို ဆောင်ပါတယ်။ အဝါရောင်ကို ရွေးမယ်ဆိုရင်တော့ ပုလဲမပါတဲ့ ရှဲဒိုးကို အရင်ဆုံးလိမ်းခြယ်ပြီးမှ ပုလဲပါဝင်တဲ့ ရှဲဒိုးကို အပေါ်ကထပ်မံ ခြယ်သပေးပါ။
အပြာရောင်ရွေးချယ်မှု
အပြာရောင်ဟာလည်း အဝါရောင်လိုပဲ ပုလဲမပါတာကို အရင်ဆုံးခြယ်သပေးရမှာပါ။ အပြာရောင်ကို ပိုပြီးတောက်ပဖို့ အနက်ရောင်ခဲတံနဲ့ မျက်ဝန်းအိမ်တစ်ဝိုက်ကို ဆွဲပြီးမှ Mascara ထပ်ဆိုးပါ။
ပါးနီအရောင်ပိုတောက်အောင်
ပါးနီကိုလည်း အနီနဲ့လိမ္မော်ရောစပ်ပြီး လိမ္မော်ရောင် အရင်ခြယ်သပြီးမှ အနီရောင်ကို ခပ်ပြေပြေလေး ထပ်မံခြယ်သပေးပါ။ ပါးအရောင်က နှုတ်ခမ်းနီအရောင်လောက် တောက်ပနေစရာမလိုပါဘူး။
အညိုရောင်ရွေးချယ်မှု
မျက်ဝန်းအတွက် အညိုရောင် ရွေးချယ်မယ်ဆိုရင် ပုလဲပါတဲ့အညိုရောင် ခပ်ဖျော့ဖျော့ကို အရင်သုံးပြီးမှ ပုလဲမပါတဲ့အညိုရောင်ကို မျက်ခွံတစ်ဝိုက် ခြယ်သပေးပါ။ ပုလဲပါတဲ့အညိုရောင်ပဲ မသုံးပါနဲ့။ မျက်ကွင်းညိုတယ်လို့ ထင်ရနိုင်တာကြောင့်ပါ။
ကိုးကားသမျှ ရိုးရိုးသားသား... မျှဝေလိုက်ပါသည်.. လေးစားလျက်(လမင်း)
No comments:
Post a Comment