ပူပင်သောကတို့ကို အကောင်းဆုံး ဖြေရှင်းနိုင်မည့် နည်းလေးသွယ်

ပူပင်သောကဆိုတာ လူတိုင်းမှာရှိ တတ်ပါတယ်။ ပူပင်သောက အနည်း အများပေါ်မူတည်ပြီး လူအများစုဟာ စိတ်ညစ်တာ၊ ပင်ပန်းတာ၊ စိတ်ဓာတ်ကျတာတွေ ဖြစ်တတ်ပါတယ်။ ဒီလိုစိတ် ပိုင်းဆိုင်ရာ ထိခိုက်မှုအထိ မဖြစ်စေဖို့ ပူပင်သောကတို့ ခံစားရတိုင်း ဖြေရှင်းပေးနိုင်မယ့် နည်းတွေကို ရေးသားလိုက် ရပါတယ်။

(၁) ကြိုတင်ပြင်ဆင်ပါ အရာရာကို ကြိုတင်ပြင်ဆင်မှု ကောင်းကောင်းလုပ်ထားလေလေ၊ ကိုယ့်ကိုယ်ကိုယ် ယုံကြည်မှုပိုရှိလေလေ ဖြစ်ပြီး ခံစားရတဲ့ ပူပင်သောကတွေ နည်းလေလေ ဖြစ်နေပါလိမ့်မယ်။ ဥပမာ ပြောရရင် စာမေးပွဲမဖြေခင် ကောင်း ကောင်းလေ့လာထားသလိုမျိုးပေါ့။ စာမေးပွဲလို ရင်ဆိုင်ရတော့မယ့်အရာ တစ်ခုခု မကြုံတွေ့ခင်မှာ အိပ်ရေး၀၀ အိပ်စက်အနားယူပါ။ ဒါဆိုရင် ဥာဏ်ရည် ထက်မြက်နေမှာဖြစ်သလို အရာရာကို အကောင်းဆုံး ဖြေရှင်းနိုင်မယ်ဆိုတဲ့ သဘောထားလည်း ရှိနေပါလိမ့်မယ်။


(၂) ပူပင်သောကများကို ချရေးပါ မိမိခံစားနေရတဲ့ ပူပင်သောက ဖြစ်စရာအကြောင်းအချက်တွေကို ၁၀မိနစ်လောက် ချရေးလိုက်တာက ပူပင်မှုတွေ လျော့ပါးသွားပြီး စိတ်အေးချမ်းမှု ရရှိစေပါတယ်။ ပူပင်သောကနဲ့ ကြောက်ရွံ့မှုတို့ ခံစားနေရတဲ့အချိန်မှာ ဦးနှောက်ထဲက ကြောင်းကျိုးဆင်ခြင် နိုင်စွမ်းနဲ့ ဆုံးဖြတ်ဖြေရှင်းနိုင်စွမ်းစတဲ့ လုပ်ငန်းဆောင်တာတွေက ရှုပ်ထွေးနေပြီးမှ ဥာဏ်ထိခိုက်မှု ဖြစ်တတ်ပါတယ်။ ဒီလိုအခြေအနေမှာ အဖြေမှန်ရွေးရတဲ့ ကျောင်းသား၊ ကျောင်းသူတွေအဖို့ ပိုမို အမှားအယွင်းများစေတယ်လို့ လေ့လာမှုတွေက ဆိုပါတယ်။

(၃) အသက်ပြင်းပြင်းရှူပါ အံ့အားသင့်စရာ ကောင်းတဲ့အချက် က တစ်ခုခုကို ရင်ဆိုင်ဖြေရှင်းရတော့ မယ့်အခြေအနေမှာ စိတ်ဖိစီးမှုရှိတာက အဆိုးကြီးတော့ မဟုတ်ပါဘူး။ စိတ်ဖိစီးမှုရှိတာက သင်္ချာဖြေဆိုရတဲ့အခါ ကျောင်းသား၊ ကျောင်းသူတွေက ပိုပြီး ယုံကြည်မှုရှိရှိ ဖြေဆိုနိုင်တာကို တွေ့ရ တယ်လို့ စိတ်ခံစားမှုဂျာနယ်တစ်ခုမှာ ဖော်ပြထားပါတယ်။ ဒါပေမဲ့ ရင်ဆိုင် ဖြေရှင်းရမယ့်အရာတစ်ခုခုကို မကြုံတွေ့ခင်မှာ စိတ်ဖိစီးမှုရှိတာက ကောင်းပေမယ့် ရင်ဆိုင်ဖြေရှင်းနေတဲ့အချိန်မှာ အဆင်ပြေပါ့မလား၊ အောင်မြင်ပါ့မလား စသဖြင့် တွေးတော ပူပင်နေတာကတော့ မကောင်းပါဘူး။ ဒါကြောင့် ဒီလိုအချိန်မှာ စိတ်အေးချမ်း တည်ငြိမ်မှုရှိစေဖို့ အသက်ပြင်းပြင်း ရှူပေးသင့်ပါတယ်။ ဒါမှမဟုတ် သင့်မျက်လုံးကို တစ်မိနစ်လောက်မှန်ထဲမှာ စိုက်ကြည့်ပြီး ''အောင်မြင်ရမယ်'' ဆိုတဲ့ စိတ်ကိုသွင်းပေးလိုက်ပါ။

(၄) စိတ်ခံစားချက်ကို ဆန်းစစ်ပါ ရင်ဆိုင်ဖြေရှင်းရတော့မယ့် အရာ တစ်ခုအတွက် အဆိုးဆုံးအခြေအနေကိုလည်း ကြိုတင်တွေးတောပြီး အဲဒီအခြေအနေမှာ ကိုယ့်စိတ်ခံစားချက်က ဘယ်လိုရှိမလဲဆိုတာ ပြင်ဆင်ထားပါ။ အဲဒီ အခြေအနေကို ရင်ဆိုင်နိုင်ဖို့ စိတ်ကို ပြင်ဆင်ထားနိုင်တယ်ဆိုရင် ဘယ်လိုစမ်းသပ်မှုမျိုးကိုမဆို ဖြေရှင်းရဖို့ နောက်တွန့်နေတော့မှာ မဟုတ်ပါဘူး။ အကောင်းတွေကို မျှော်လင့်ထားပြီး အဆိုးဆုံးအတွက် ကြံ့ကြံ့ခံနိုင်အောင် စိတ်ကို ပြင်ဆင်ထားတာက ပူပင်သောကတွေ လျော့ပါးစေနိုင်တဲ့ အကောင်းဆုံးနည်း တစ်နည်း ဖြစ်ပါတယ်။